ميادة موسى تكتب. روح الصعيد الجميلة و هوية الإنسان التى كانت

روح الصعيد الجميلة زمان .. العيشه بسيطة والعفش حصيرة وطشت وطبلية والمطبخ كانون وفرن طين وكام حلة نحاس والخير كثير في الدار وطيور ورز وشعير وفي البدرية خبيز ولقمة هنية.

يخرج الفلاح علي أرضه ومعاه جاموسته والضهرية ريحة الأكل يشمها الجيران مهو طبيعي مش عليه والمغربية فرشوا وقعدوا قدام الدار وللعشا قاعدين علي لمبة جاز يحكوا حواديت وحكايات وضحكة صافيه وراحة بال
يا مين يرجعني لزمان ويسبني هناك
شخصية زمان كان لها القدرة علي تحمل المسؤلية والصبر والعزيمة
بيوت زمان وناس زمان وحب زمان
ذكريات حفرناها داخل اعماقا وصور حفظناها في عيوننا وحنين عظيم حبسناه داخلنا.

أعود بأفكاري لزمانا وأفتش بين ثنايا الضحكات عن سعادتنا وتأخذني الأحاسيس إلي طفولتنا وأري الثواني تمضي  من أمامنا ولاتزال نفس المشاعر حية.

“هل يا تري كانت الحياة حقا بسيطة وعفوية أم هي حلاوة الذكري تزين في عيوننا الماضي؟

بسطاء زمان هم الذين يملكون ما يكفي لتغطية نصف احتياجاتهم الأساسية لا يكونوا أغنياء مال إنما يقول الجصاص قال تعالي( يحسبهم الجاهل أغنياء من التعفف)
هم الذين  يعيشون باكتفاء وقناعة الذين يحاولون ان يكونوا افضل ويسعون لذلك

أما اليوم
الفرق بين زمان و حاليا. ….
زمان كنا بنقول الجار قبل الدار ودلوقتي بنقول هما في حالهم واحنا في حالنا
زمان كنا بنقول القريب قبل الغريب دلوقتي بنقول القرايب عقارب
زمان كنا بنتجمع علي الحب والموده والرحمه دلوقتي مبنتجمعشي غير في المناسبات سوي كان فرح أو عزاء.

عارفين ليه محدش بيسأل في التاني زي الأول ببساطة السوشيال ميديا عارضة حياتنا فاكده كده شايفك وشايف أستوريهاتك إنما زمان مكنش في الكلام ده
السوشيال ميديا خلت الأب والأم مش بيعرفو حتي يقعدوا مع أولادهم يشوفو أحوالهم ولا حتي بيتكلمو كلمتين مع بعض والعزاء علي الماسنجر ولوفي حد تعبان أو فى أزمة تكلمه في الموبايل مع إنها زمان كانت عيبه  كان لازم تزوره وتعمل الواجب
الأشخاص البسطاء  في هذا الزمان
هم فقراء التفكير بحيز واسع فقراء الشعور بالسعادة وقيمة الحياة وجمالياتها فقراء الاحترام للآخرين

الفرق بين زمان ودلوقتي زي الفرق بين النهار والليل بالضبط إحنا لبسنا في الضلمة وحبايبنا الي راحو حضرو النور